Skráð

Ágúst Guðmundsson ræðir við Egil Helgason

Það fór vel á með þeim félögum í Kiljunni 13. desember 2023 þar sem þeir spjölluðu um nýja skáldsögu Ágústs um Ingmar Bergman, Maður í eigin bíómynd.

https://www.ruv.is/sjonvarp/spila/kiljan/32201/a005i6/madur-i-eigin-biomynd-agust-gudmundsson

Skráð

Ágúst og Ingmar

Við getum ekki stillt okkur um að birta þessa mynd sem sýnir höfund bókarinnar Maður í eigin bíómynd segja frá Ingmar Bergman í Veröld – Húsi Vigdísar í gær .

Skráð

Ágúst heldur fyrirlestur um Ingmar Bergman

Ágúst Guðmundsson heldur fyrirlestur um Ingmar Bergman og skáldsögu sína MAÐUR Í EIGIN BÍÓMYND í Auðarsal í Veröld – Húsi Vigdísar þriðjudaginn 28. nóvember kl. 16:00.

Allir velkomnir. Aðgangur ókeypis.

Skráð

Spjallað um Mann í eigin bíómynd

Jóhannes Ólafsson ræðir við Ágúst Guðmundsson um bók hans um Ingmar Bergmann í útvarpsþættinum Bara bækur á Rás 1.

Skráð

Davíð Wunderbar í Gunnarshúsi

Við fögnum útkomu bókar Hákonar J. Behrens í Gunnarshúsi mánudaginn 13. nóvember 2023 kl. 19:00.

Höfundur segir okkur undan og ofan frá tilurð bókarinnar og les upp kafla.

Léttar veitingar og spjall. – Allir velkomnir.

SJÁ NÁNAR

Skráð

BILUÐ ÁST – Útgáfuhóf

BILUÐ ÁST heitir splunkuný skádsaga Sigurjóns Magnússonar, hispurslaus frásögn af harkalegu hlutskipti manns sem ástin lék grátt.

Við fögnum útgáfu bókarinnar þriðjudaginn 31. október klukkan 17:30, höfum það notalegt í Gunnarshúsi, hlustum á höfundinn lesa upp, spjöllum saman og njótum léttra veitinga.

Og bókin fæst á góðum kjörum.

– Allir velkomnir.

SJÁ NÁNAR

Skráð

Leikstjóri skrifar bók

Ágúst Guðmundsson kvikmyndaleikstjóri sendir frá sér fyrstu skáldsögu sína í næstu viku. Sagan heitir MAÐUR Í EIGIN BÍÓMYND og segir frá Ingmar Bergman, kollega Ágústs, og stormasömu hjónabandi hans.

Við fögnum útgáfu bókarinnar í Bíó Paradís miðvikudaginn 18. október 2023 klukkan 17:30.

– Allir velkomnir.

Sjá Maður í eigin bíómynd.

Skráð

Babúska komin út!

Babúska - reimleikar og voðaverk

Í dag kom út nýja bókin hennar Hallveigar Thorlacius, Babúska

Við fögnum útgáfunni í Gunnarshúsi mánudaginn 3. júlí kl. 17:30. Hallveig segir okkur frá tildrögum að þessari fyrstu skáldsögu sem hún skrifar fyrir fullorðna lesendur.

Sigrún Valbergsdóttir leikstjóri og leiðsögumaður les valda kafla úr bókinni og Sigríður Thorlacius syngur sól í hjörtu viðstaddra.

Allir velkomnir meðan húsrúm leyfir. 

Um söguna:

Ung stúlka verður fyrir bíl fyrir framan Þjóðleikhúsið og lætur lífið. Ökumaðurinn flýr af vettvangi. Eina vitnið að þessum atburði er Svetlana, rússneskur bókmenntafræðingur sem vinnur við þrif í opinberum byggingum. Hún hringir í neyðarnúmerið en hjólar burt.  Lögreglukonan Fanney kemur á vettvang. Við rannsókn málsins ákveður hún vegna ágreinings við yfirmann sinn að snúa sér að öðru máli sem komið er upp á bernskuslóðum hennar í Urriðavík. Kona hefur fundist myrt úti í fjárhúsi og fleiri morð fylgja í kjölfarið. Böndin berast að Birtu sem hengdi sig úti í fjósi fyrir hundrað árum. Flestir hafa séð vofunni bregða fyrir og öll sveitin stendur á öndinni.

Austur í Síberíu fréttir Lena að dótturdóttir hennar hafi fundist dáin í Reykjavík. Hún sér sig knúna til að fara til Íslands. Þegar hún fréttir af innrás Rússa í Úkraínu segist hún ekki eiga neitt land. Nágranni Svetlönu, Pétur, býður henni að búa hjá sér þangað til djöfulskapnum linni.

Hvað eiga dauðsföllin í Reykjavík sameiginlegt með morðunum í Urriðavík? Lena tekur þátt í að greiða úr flækjunni.

Skráð

Reimleikar og voðaverk

Bráðum kemur bók!

Þegar brúðuleikari, fæddur vel fyrir miðja síðustu öld, sendir frá sér svona seiðmagnaða spennusögu er ástæða til að athuga málið.

Babúska kemur út fyrir lok næsta mánaðar.