Stefán Snævarr er fæddur í Reykjavík árið 1953. Hann er doktor í heimspeki frá Háskólanum í Bergen  (1998),  dósent í þeim fræðum við Háskólann í Lillehammer 1998-2003 og prófessor á sama stað frá 2003. Hann hefur áður gefið út sjö ljóðabækur og eitt fræðirit.

Ljóðabækurnar eru:
Limbórokk (1975), Sjálfssalinn (1981), Greifinn af Kaos (1984), Hraðar en ljóðið (1987), Stefánspostilla (1988), Bragabar (1989), Ostraka (1997). 

Fræðiritið er doktorsritgerð Stefáns og ber heitið Minerva and the Muses. The Place of Reason in Aesthetic Judgement (1999). Bókin er að sögn höfundar tilraun til að hrekja hugmyndina um að dómar um gæði listaverka séu öldungis smekkbundnir og huglægir.

Nýjasta bók Stefáns, Rómúlía hin eilífa - sýnisbók rómúlskra bókmennta, kom út 2002.

Auk þessa er hann meðhöfundur (ásamt Gunnari Harðarsyni) að Ritaskrá íslenskrar heimspeki (1983).

Innan skamms kemur út bók á norsku eftir Stefán um myndhverfingar og ber heitið Fra Logos til Mytos. Metaforer, mening og erkjennelse. Í haust (2003) kemur svo út enn ein bók, greinasafn á íslensku hjá Hinu íslenska bókmenntafélagi.