„Við fyrstu kynni er ljóðabókin borg
           séð frá hafi
Þú siglir meðfram ströndinni
götur opnast og sund
og líklega tími til kominn
að leita hafnar“

Og að lokum:

„Líklega tekur borgin þér opnum örmum.“

Ég man varla eftir skemmtilegra og sterkara upphafsljóði á ljóðabók, mér fannst eins og mér væri tekið opnum örmum og fann strax hvernig bókin fangaði mig - eftir svona upphaf er ekki annað hægt en að lesa sig áfram og sjá hvað gerist, hvort ekki opnist götur og sund. Og sem fyrr olli Baldur mér ekki vonbrigðum, það líf og sá leikur sem heillaði mig þegar ég fyrst las ljóð hans er hér enn til staðar, auk þess sem litagleðin er ríkjandi sem fyrr.

Úlfhildur Dagsdóttir
des. 2004

UMSÖGNIN ÖLL

Á sumri komanda

...Það er alltaf gott veður hér útfrá segir
konan á Grandakaffi, þú ættir nú best að vita
það sjálfur. Ertu ekki hér á hverjum degi?

Og þegar ég kem út í hólana situr hann þar á
bekk sá gamli, eitthvað að pára.
Ég sé að hann þekkir mig til hálfs

Það þykir ætíð sæta nokkrum tíðindum þegar Baldur Óskarsson sendir frá sér nýja bók. Þessi þrettánda ljóðabók hans vitnar um orðkynngi, hlýja gamansemi og gleði - meira að segja litagleði. Ungu ljóðskáldin mega vara sig því að Baldur er síungur og kemur alltaf á óvart. Meitluð náttúrukennd og óvenjulegar mannlífsmyndir setja svip á ljóðin - og ósjaldan er Grandinn ekki langt undan.

Heillandi bók með 82 frumsömdum og 24 þýddum ljóðum. Sannkallaður hvalreki fyrir alla ljóðaunnendur.

Bókin  er prentuð í Prentsmiðjunni Gutenberg. 

 1.581 kr.