ISBN 978-9979-63-087-6

Gísli Helgason frá Blómsturvöllum íslenskaði

Stærri mynd

Henrik Mortensen er listamaður í að handleika flugustöng en einnig dugmikill og þjálfaður kennari. Í þessari bók eys hann úr brunni visku sinnar um kúnstina að kasta flugu.

Við fyrstu sýn virðist sáraeinfalt þegar þaulvanur fluguveiðimaður kastar flugu sinni og lætur hana reka yfir alla líklega legustaði fiskanna undir yfirborði vatnsins. En ekki er allt sem sýnist og margur maðurinn hefur mátt reyna að flugukast er ekki eins einfalt og það virðist.

Speki Henriks Mortensen er einföld: Æfið grundvallaratriðin vel og látið stöngina vinna verkið. Þá losnið þið við að beita afli til að bæta fyrir ónóga kunnáttu. Reynið ekki að kasta langt. Þess er sjaldan þörf við venjulega fluguveiði. Flestir fiskar taka innan við 25 metra frá veiðimanni.

Aðalatriðið er að kasta vel og nákvæmlega og koma flugunni með hverju kasti á útréttum taumi þangað sem ætlað er. Markmiðið er að kasta flugunni áreynslulaust og fallega í fullkomnu jafnvægi fyrir fiskana sem synda í hyljum árinnar. Rétt aðferð og kunnátta gerir mögulegt að veiða á stöðum sem áður voru ekki fýsilegir til veiða. Það kemur að því að ekki þarf lengur að velja staði þar sem „hægt“ er að veiða heldur að finna staði þar sem okkur „langar“ að veiða.

Það er veiðimanni mikill gleðigjafi að skilja eðlisfræði kastsins og hve mikilvægur rétt samsettur veiðibúnaður er. Og hvernig réttar hreyfingar í kastinu senda línuna fallega og áreynslulaust út yfir vatnsflötinn. Um það fjallar þessi bók. Fyrir þá sem gjarna vilja læra að koma flugunni til fiskanna, hverjar sem aðstæður eru, er þessi bók skrifuð.

Lesið bókina vel yfir áður en hafist er handa við æfingar, þá eruð þið komin vel á veg með að ná tökum á kastinu fullkomna – það er að segja kastinu sem fær fiskinn til að taka fluguna.

  5.000 kr.