Árið 1970 kom danski rithöfundurinn og listfræðingurinn Poul Vad (f. 1927) til Íslands, dreginn þangað af kynnum sínum af Íslendingum og þó einkum Hrafnkels sögu Freysgoða.

Hann fór þá einn á Landrover um slóðir Hrafnkötlu, en hér tekur hann lesandann með í þessa tvíþættu ferð um land og sögu, en samferða eru líka m.a. þeir Cervantes og Machiavelli, enda berst margt skemmtilegt og óvænt í tal.

Ferðasöguna kryddar höfundur svo enn frekar frásögnum af íslenskum samtíðarmönnum og Íslandi nútímans, sem hann hefur heimsótt nokkrum sinnum síðan, seinast sem gestur á Bókmenntaþingi 1995.

Norðan Vatnajökuls hefur verið þýdd á önnur mál og hefur t.d. þýska útgáfan selst í stórum upplögum í þýskumælandi löndum og verið verðlaunuð.

… Hrafnkatla er meistaraverk, heimsbókmenntir. Bók Pouls Vad er að minnsta kosti meistaraverk.
Preben Meulengracht Sørensen, Jyllands-Posten 12. 10. 1994

… Poul Vad hefur skrifað afbragðsgóða, fróðlega og bráðskemmtilega bók …
Aldo Keel, Neue Zürcher Zeitung, 24. 09. 1998

842 kr.