Agapito Cantón de Dios, aldraður Spánverji, finnst myrtur – eða drepinn af gáleysi – á heimili sínu í Madríd haustið 1992. Hann reynist hafa verið vopnabróðir Hermanns B. Hermannssonar, Íslendings er barðist í spænsku borgarastyrjöldinni á fjórða áratug aldarinnar.

Hermann gaf á sínum tíma út bók um reynslu sína í stríðinu og nefnir þar þennan félaga sinn á nafn og kallar hann vin sinn og lífsbjargarmann. Ljósrit af þessari löngu ófáanlegu bók hefur rekið á fjörur íslensks útvarpsfréttaritara í Madríd.

Hann hefur uppá Agapito Cantón de Dios og hefur verið að taka við hann viðtöl þegar morðið er framið. Fréttaritarinn liggur því undir grun lögreglu og um leið nokkurskonar ásókn hins myrta svo að hann verður að fara á stúfana og reyna að leysa morðgátuna og skrifa sig frá gamla manninum.

Leskafli

 1.490 kr.