Það er óhugsandi að komast í gegnum svo mikið sem fyrstu tvo kaflana án þess að finna til samkenndar með þeim Will og Marcusi. Í Sögu um strák sér maður sjálfan sig og kunningjana birtast ljóslifandi á hverri blaðsíðu.

Sophie Gorman, Irish Independent

Skáldsagan About a Boy eftir enska rithöfundinn Nick Hornby er nú komin út í þýðingu Eysteins Björnssonar og nefnist Saga um strák á íslensku.

Bókin kom fyrst út 1998 og sló strax rækilega í gegn og hefur verið þýdd á fjölda tungumála. Kvikmyndin sem gerð var eftir sögunni naut einnig mikilla vinsælda hér á landi sem annars staðar.

Will er 36 ára gamall, hefur aldrei á ævi sinni unnið handtak og hegðar sér eins og táningur. Einhleypur og barnlaus lýgur hann upp á sig syni til þess að komast yfir ungar og fallegar konur í Félagi einstæðra foreldra. Í þeim félagsskap kynnist hann Marcusi, elsta tólf ára strák í heimi.

Marcus er sonur einstæðrar móður og verður fyrir aðkasti í skólanum. Hann hefur áhyggjur af mömmu sinni en þegar Will kemur til sögunnar tekur líf mæðginanna nýja stefnu – Marcus byrjar að átta sig á tilverunni og hver veit nema honum takist að hjálpa Will að fullorðnast.

 Tilboðsverð: 1.267 kr.