Jack D. Ives

Skaftafell í Öræfum
- Íslands þúsund ár

Stærri mynd

Jack D. Ives

 Ragnar Stefánsson (1914-1994)
bóndi í Skaftafelli

Í bókinni eru tæplega 100 ljósmyndir, svarthvítar og í lit, gamlar og nýjar,  ásamt fjölmörgum skýringarkortum.

Viðtal Egils Helgasonar við Jack í Kiljunni 26. sept. 2007

Tvær útgáfur, önnur á ensku, hin á íslensku

  English

Dr.  Jack D. Ives er mörgum Íslendingum kunnur fyrir rannsóknir á náttúru Skaftafells og Öræfa. Á undanförnum árum hefur hann haldið fjölda fyrirlestra á Íslandi um rannsóknir sínar á Íslandi og víða um heim.

Jack  kom fyrst til Íslands 1952 og kynntist Ragnari Stefánssyni bónda í Skaftafelli. Upp frá þeirri stundu hefur hann verið tíður gestur í Skaftafelli og tekið saman efni um náttúru og mannlíf  í Öræfum frá landnámsöld fram á okkar daga, sem nú skilar sér í þessari bók.

Saga búskapar í Skaftafelli er skoðuð og lýst hvernig landið hefur breyst í aldanna rás. Saga þjóðgarðsins er rakin og þróun landslagsins er skoðuð með augum einstaklinga sem sannanlega bjuggu í Skaftafelli.

Þetta er því saga Ragnars Stefánssonar, fyrirrennara hans og afkomenda, en höfundur birtir einnig áhrifamikla frásögn af  jarðfræðileiðöngrum stúdenta frá Nottingham, sem hann veitti forstöðu, en í einum leiðangrinum týndust tveir félaga hans á jöklinum, og hefur ekkert til þeirra spurst síðan.

Í bókinni er fjöldi mynda ásamt kortum sem sýna þau býli sem þraukað hafa í meira en þúsund ár, ásamt mörgum þeirra bæja og kirkna sem jöklagangur og eldvirkni hafa þurrkað út. Einnig sýna kortin jökulsporða, farvegi jökuláa og helstu nytjalönd.

Vigdís Finnbogadóttir, Alp Mehmet sendiherra og Helgi Björnsson jöklafræðingur rita formálsorð.

Þorsteinn Bergsson á Unaósi íslenskaði.

  4.420 kr.