Logi Jes Kristjánsson hannaði kápu.

Hér er á ferðinni fjórða smásagnasafn höfundar. Snemma árs 2001 hlaut hann fyrstu verðlaun í smásagnasamkeppni hjá vefgáttinni strik.is fyrir eina af sögunum í bókinni, en 350 sögur bárust í keppnina. Veitt voru glæsileg verðlaun, 250 þúsund krónur, hæstu verðlaun sem veitt hafa verið fyrir smásögu hér á landi.

Dómnefndin var einróma í vali sínu á sigursögunni og í áliti hennar kemur m.a. fram að sagan sé „ekki einasta ákaflega vel stíluð og uppbyggð, heldur til marks um að höfundurinn hefur þrauthugsað form smásögunnar og notar möguleika hennar af listfengi og kunnáttu. Sögumaður rifjar upp bernskuár í skugga bróður sem dó; frásögnin einkennist af hlýju, mannskilningi og fínlegum húmor.“

Má nú hiklaust telja Ágúst meðal merkisbera smásögunnar á Íslandi.

Önnur saga í nýju bókinni, „Bænheyrður“ hlaut 2. verðlaun í smásagnasamkeppni dagblaðsins Dags og MENOR og birtist í Degi vorið 2000.

Um helmingur bókarinnar eru uppvaxtarsögur frá áttunda áratugnum en aðrar sögur gerast á síðustu árum og lýsa þá gjarnan fólki sem ólst upp á fyrrgreindu tímabili.

Flestar sagnanna fjalla á einn eða annan hátt um fjölskyldubönd: t.d. er sagt frá ungri konu sem endurtekur lífsmynstur móður sinnar án þess að gera sér grein fyrir því, önnur saga fjallar um ungan mann sem reynir óvenjulega aðferð til að jafna sig eftir sambúðarslit, fjölskyldumaður á framabraut hefur efasemdir um tryggð eiginkonu sinnar, unglingspiltur lifir í skugga látins bróður síns og ungum dreng þykir faðir sinn heldur misheppnaður í samanburði við skáksnillinginn Bobby Fischer. 

Samantekið er höfundur trúr þeirri nútímakröfu til smásagnasafna að hafa í senn sögur sínar fjölbreyttar og láta þær bera heildarsvip.

Smásagnasafn höfundar, Hringstiginn, kom út 1999. Árið 2004 kom út annað safn smásagna, Tvisvar á ævinni.

  1.267 kr.