„Hjarta pabba var klakahöll. Ágirndin, kvik nátungan og hnefarnir gerðu hann að skæðu villidýri. Meinfýsi var honum í blóð borin. Hann hætti aldrei atlögum sínum fyrr en bældur grátur minn braust upp á yfirborðið.“

Ungur maður skrifar látinni móður sinni játningabréf. Hann sér veröldina og lögmál hennar í einkennilegu ljósi. Í bréfunum lýsir hann ískyggilegu lífi og að lestrinum loknum hefur lesandinn kynnst ógleymanlegri persónu.

Sagan geymir margar heillandi sýnir, sterk sifjaspellskennd tengsl móður og sonar, skilyrðislausa en þó grimma ást.

Fyrsti kafli sögunnar kom út sem sjálfstæð smásaga árið 1986 og vakti sterk viðbrögð lesenda.

Sagan var þýdd á litháísku og kom út í Vilníus vorið 2003 í þýðingu Jurgita Marija Abraityté undir heitinu Rojaus Taukščio Ašaros.

 2.372 kr.