Efni
„Hvað eru leikhúsfræði? Þau fræði eru tiltölulega ung sem fræðigrein þó að leikhúsið sé sjálft ein elsta listgreinin. Sem akademískt fag urðu leikhúsfræðin til upp úr aldamótum 1900 þó að menn hefðu lagt stund á t.d. leiklistarsögu og önnur skyld efni löngu fyrr. Vel má rekja þessa sögu aftur til Aristótelesar og rits hans um skáldskaparlistina.“
Í þessum hugleiðingum sínum um leikhúspólitík rifjar höfundur upp starf sitt í leikhúsum, óperuhúsum og sjónvarpi undanfarna áratugi. Hann veltir fyrir sér aðferðafræði og vinnubrögðum leikstjórans og samvinnunni við leikskáld, tónskáld, leikara, söngvara, höfunda leikmynda, búninga og ljósa ásamt öðrum sem koma að því að skapa sviðslistaverk.
