Bréf til Maríu

1.990 kr.

Höfundur: Einar Már Jónsson

350 bls., kilja

Útgáfuár: 2007

 

Flokkar: Útgáfuform:

Efni

Er allt sem er mögulegt endilega æskilegt? Eru heimspekistefnur og stjórnmálahreyfingar einberar tískubylgjur? Hvað er þjóð?

Höfundurinn tekur á helstu álitamálum samtíðarinnar og fer á kostum í skarplegri greiningu sinni  og er ómyrkur í máli. Evrópusambandið, menntamanna-marxisminn, frjálshyggjan, alþjóðavæðingin, tæknidýrkunin, póstmódernisminn og formgerðarhyggjan eru meðal þess sem tekið er til skoðunar.

Það er ætíð grunnt á kímninni, en að lestrinum loknum hefur lesandinn samt verið rækilega vakinn til umhugsunar um hvort nútímamaðurinn ætti ekki að staldra við og huga betur að raunverulegri velferð sinni.

Við sögu koma menn eins og Freud og Marx, Althusser, Derrida og Lacan,   Búkharín og Lenín, de Gaulle og Le Pen, Halldór Björn Runólfsson, Sigurður skáld og Þorsteinn! – Og margir fleiri.

Einar Már Jónsson er sagnfræðingur og doktor í miðaldafræðum.


„Bókin er hinn mesti skemmtilestur og raunar sprenghlægileg á köflum. Það er sjaldgæfur ­eiginleiki á bók um hugmyndasögu en slíkar bækur eru þar að auki fágæti hérlendis.“
Þröstur HelgasonLesbók Morgunblaðsins

„Einari tekst að glæða sína einföldu bréfræðu slíku lífi með tungutaki og orðaforða að textinn leiftrar hvar sem gripið er niður.“
Viðar ÞorsteinssonViðskiptablaðið

„Bréf til Maríu er hressilegur gustur um hjalla mannvísindanna og slær hroll að ýmsum við þann lestur.“
Páll Baldvin BaldvinssonFréttablaðið

„Bréf til Maríu hefur þann höfuðkost að strax er maður gripinn fögnuði yfir að sjá móðurmáli sínu beitt af kunnáttu við að móta hugsunina.“
Kristján B. JónassonHerðubreið

Frekari upplýsingar

Þyngd 0,365 kg