Ljóð eftir Stefán Sigurkarlsson

Ósamstæður

2.115 kr.

Höfundur: Stefán Sigurkarlsson

63 bls., mjúk spjöld með innábroti

Útgáfuár: 2013

Ósamstæður er þriðja ljóðabók Stefáns Sigurkarlssonar.

Bókin hefur að geyma frumort ljóð og þýðingar á ljóðum eftir chileska nóbelsverðlaunaskáldið Pablo Neruda. Þar ber hæst nýja þýðingu á „Tuttugu ljóðum um ást“. Enn fremur eru í bókinni þýdd ljóð eftir Octavio Paz, T.S. Eliot og James Joyce.

Þokkafull mýkt ljóða Stefáns Sigurkarlssonar blandast víða gamansemi, notalegri en á köflum gráglettinni, og stundum er stutt í rómantíkina. En sameiginlegt með þeim öllum er einstök natni og fágun.

Birting þýðingarinnar á „Tuttugu ljóðum um ást“, þessu heimsfræga og líklega vinsælasta verki Pablos Neruda, sætir nokkrum tíðindum meðal íslenskra ljóðaunnenda þar sem þau hafa áður komið út í íslenskum búningi, en efnistökin hér eru mjög frábrugðin fyrri þýðingu.