Efni
„Ég reikna og teikna og teikna og reikna. Stundum syng ég líka, því hér er komið sumar og fugl í skóg. Svo syndi ég stundum í ánni hérna rétt hjá – ætli ég sé ekki sundfugl!“
Í upphafi tuttugustu aldar vill ungur bóndasonur austan úr Skaftafellssýslu læra til rafmagns og kemst utan og verður rafmagnsverkfræðingur í Berlín.
Sögu hans og ferli er lýst í bréfum milli hans og foreldra hans sem selja ofan af sér kotið svo hann geti lært, milli hans og bernskuvina úr sveitinni og milli hans og vina sem hann kynnist í námi og starfi í Þýskalandi. En leikurinn berst líka til Skotlands og Kanada.
