Þegar kóngur kom

2.490 kr.

Skáldsaga

Höfundur: Helgi Ingólfsson

375 bls., kilja

Útgáfuár: 2010

1. útgáfa 2009 (harðspjöld)

Um bókina

Slóð stúlkunnar hefur legið víða, meðal skólapilta Lærða skólans jafnt sem útlendra sjóliða, enda faðerni barnsins á reiki. Tveir ólíklegir menn, Hjaltalín og Borgfjörð, taka að sér rannsókn málsins í kyrrþey, aðstoðaðir af skólapiltinum Móritz, sem segir söguna.

Í þessari litríku, sögulegu skáldsögu er endurskapað andrúm liðinna tíma, þegar menn voru upprifnir af ættjarðarást og þó trúir sínum arfaherra. Þetta er saga af því þegar Ísland komst fyrst í erlendar fréttir, þegar Frónbúar neyddust til að undirbúa sína fyrstu stórhátíð, frásögn af kóngi og kotbýlingum, skólapiltum og skáldum, embættismönnum og efristéttarkonum, þénustupíum og þurrabúðarkörlum.

Fjöldi þjóðþekktra manna kemur við sögu, svo sem Gestur Pálsson, Halldór Kr. Friðriksson, Matthías Jochumsson, Steingrímur Thorsteinsson, Sigurður málari, Grímur Thomsen og Sæfinnur á sextán skóm  auk ýmissa síður kunnra.

Frumleg söguleg skáldsaga og spennusaga í senn.

„Ég heimta þessa bók í skóinn!“
Stefán Pálsson, www.kaninka.net

„Frumlegasti krimminn. […] tvímælalaust athyglisverðasta og vandaðasta sakamálasagan sem kemur á íslenskan markað fyrir þessi jól og teygir sig jafnframt inn í aðra geira með markverðum hætti. […] vel samin og vel undirbyggð sakamálasaga sem bregður leiftrandi ljósi á Reykjavík og bæjarbúa þessa tíma.“
Páll Paldvin Baldvinsson, Fréttablaðinu.

„Við lestur Þegar kóngur kom kom ítrekað í hugann að þessa bók yrðu MR-ingar að lesa, nemendur sem kennarar. Í rauninni líka þeir sem hafa áhuga á sögu Reykjavíkur – og þeir sem hafa áhuga á spennusögum.“
Einar Falur Ingólfsson, Sunnudagsmogganum

Frekari upplýsingar

ISBN

978-9979-63-097-5

Mynd á kápu

Arthur W. Fowles

Útlitshönnun

Bjarney Hinriksdóttir

Umbrot

Gísli Már Gíslason