Og svo viljum við vekja athygli á væntanlegum endurminningum Hope Knútsson:
Archives: Newsletters
Í belg og biðu – útgáfuhóf
Komið þið sæl,
við ætlum að eiga saman notalega stund í Gunnarshúsi sunnudaginn 16. nóvember kl. 17:00–19:00 og fagna útkomu nýrrar spjallbókar eftir Svein Einarsson.
Sveinn Einarsson (f. 1934) er löngu þjóðkunnur maður fyrir störf sín í leikhúsi. Hann lagði stund á bókmennta- og leikhúsfræði í Svíþjóð og við Sorbonne-háskóla í París og
var fyrsti leikhússtjóri Leikfélags Reykjavíkur frá árinu 1963 til 1972. Þjóðleikhúsinu stýrði hann svo næstu ellefu ár, 1972–1983. Frá 1989 til 1993 var hann dagskrárstjóri
innlends efnis í sjónvarpi RÚV.
Og nú kemur hann okkur enn og aftur á óvart með frumlegum ljóðum, örsögum og minningabrotum með dyggilegri aðstoð Bandamanna.
Nýja bókin heitir Í belg og biðu.
STAÐUR:
Gunnarshús, Dyngjuvegi 8, 104 Reykjavík
STUND:
sunnudagur 16. nóvember kl. 17:00 til 19:00
– Allir velkomnir.☻
Hlökkum til að sjá ykkur – þið megið gjarna taka með ykkur gesti.
Lúx – útgáfuhóf
Sælt veri fólkið,
við ætlum að eiga saman notalega stund í Forlaginu úti á Granda miðvikudaginn 12. nóvember kl. 17:00–19:00 og fagna útkomu nýrrar skáldsögu eftir Ágúst Guðmundsson, Lúx.
Ágúst Guðmundsson er einkum þekktur sem kvikmyndaleikstjóri. Land og synir, Með allt á hreinu og Mávahlátur eru meðal átta bíómynda hans. Af fjölmörgum verkefnum fyrir sjónvarp má nefna Nonna og Manna.
Ágúst átti stóran þátt í gerð bókarinnar Styrjöldin í Selinu sem greinir frá því þegar þriðja heimsstyrjöldin var sett á svið í ársbyrjun 1965. Fyrir tveimur árum kom út eftir hann skáldsagan Maður í eigin bíómynd þar sem Ingmar Bergman var í aðalhlutverki.
Við samfögnum höfundi í huggulegum húsakynnum Forlagsins, njótum léttra veitinga, spjöllum saman, hlustum á Ágúst lesa upp kafla og spjöllum meir.
STAÐUR:
Forlagið, Fiskislóð 39, 101 Reykjavík
STUND:
miðvikudagur 12. nóvember kl. 17:00 til 19:00
– Allir velkomnir.☻
Það væri gaman að sjá ykkur – þið megið gjarna taka með ykkur gesti.
Minningar Hope Knútsson
Kæri viðtakandi,
þar sem nafnið þitt er á lista áskrifenda að væntanlegum endurminningum Hope Knútsson – Von frá Brooklyn – þykir mér rétt að upplýsa þig um að þótt útgáfan hafi dregist á langinn vinnum við ötullega að lokafrágangi bókarinnar. Við biðjumst velvirðingar á seinkuninni.
Með kveðju frá Ormstungu.
Gísli Már Gíslason
Bandarísk hugsjónakona á Íslandi
Það er vart þörf á að kynna Hope Knútsson. Flestir tengja hana við Siðmennt en Hope hefur komið miklu víðar við sögu.
Áhugaverðar minningar hennar eru væntanlegar í vor. Meira um það hér.
MEÐ KVEÐJU FRÁ ORMSTUNGU
Seiðandi sumarlesning
„Siddharta kom fram sem tákn: tákn þeirra sem leita sannleikans – síns eigin sannleika.“
– Paulo Coelho
Nú er þessi heimsþekkta og geysivinsæla skáldsaga eftir Hermann Hesse loksins fáanleg á íslensku í þýðingu Haralds Ólafssonar mannfræðings.
Allar götur síðan Siddharta kom út 1922 hefur bókin farið sigurför um heiminn – ekki síst á seinni hluta tuttugustu aldar!
Um daginn var fróðlegt spjall um bókina í þættinum Bara bækur í Ríkisútvarpinu.
MEÐ KVEÐJU FRÁ ORMSTUNGU
Bókamarkaður og glimrandi dómur í Kiljunni
Það er eiginlega hátíð í bæ!
Í fyrsta lagi er Bókamarkaðurin í Laugardagshöll í fullum gangi og í öðru lagi fékk nýja bókin hans Hákonar J. Behrens, Davíð Wunderbar, flottan dóm í Kiljunni um daginn.
Og ekki spillti skemmtileg umfjöllun um bókina í þættinum Bara bækur á Rás 1.
Með kveðju frá Ormstungu
GLEÐILEGT NÝÁR 2024
Davíð Wunderbar – útgáfuhóf
Sælt veri fólkið,
Davíð Wunderbar heitir nýstárleg skáldsaga eftir Hákon J. Behrens. Sagan segir frá ungum manni sem gætir ekki alltaf orða sinna. Hann er sannfærður um að lagfæra þurfi þá skekkju sem nákvæm mæling tímans hefur í för með sér fyrir mannkynið en ástin setur strik í reikninginn og truflar hann við lagfæringarnar.
Við fögnum útgáfu bókarinnar mánudaginn 13. nóvember klukkan 19:00 og höfum það notalegt í Gunnarshúsi. Hákon segir frá tilurð bókarinnar og les upp kafla. Svo spjöllum við saman og njótum léttra veitinga.
Og bókin fæst á góðum kjörum.
STAÐUR:
Gunnarshús, Dyngjuvegi 8, 104 Reykjavík
STUND:
mánudagur 13. nóvember kl. 19:00 til …
– Allir velkomnir.☻
Það væri gaman að sjá ykkur – þið megið gjarna taka með ykkur gesti.
Biluð ást – Útgáfuhóf í Gunnarshúsi
Sælt veri fólkið,
BILUÐ ÁST heitir splunkuný skáldsaga Sigurjóns Magnússonar, hispurslaus frásögn af harkalegu hlutskipti manns sem ástin lék grátt.
Við fögnum útgáfu bókarinnar þriðjudaginn 31. október klukkan 17:30, höfum það notalegt í Gunnarshúsi, hlustum á höfundinn lesa upp, spjöllum saman og njótum léttra veitinga.
Það væri gaman að sjá ykkur – þið megið gjarna taka með ykkur gesti.
Og bókin fæst á góðum kjörum.
STAÐUR:
Gunnarshús, Dyngjuvegi 8, 104 Reykjavík
STUND:
þriðjudagur 31. október kl. 17:30 til …
– Allir velkomnir.☻
Maður í eigin bíómynd – Útgáfuhóf í Bíó Paradís
Leikstjóri skrifar bók
Sælt veri fólkið,
þetta bréf fáið þið í tilefni af því að Ágúst Guðmundsson kvikmyndaleikstjóri sendir frá sér fyrstu skáldsögu sína innan fárra daga. Sagan heitir MAÐUR Í EIGIN BÍÓMYND og segir frá Ingmar Bergman, kollega Ágústs, og stormasömu hjónabandi hans.
Við fögnum útgáfu bókarinnar í Bíó Paradís miðvikudaginn 18. október 2023 klukkan 17:30.
Dagskráin er einföld:
1) höfundur segir undan og ofan af tilurð sögunnar
2) höfundur les upp kafla úr bókinni
3) smá rúsína í pylsuendanum
4) og svo spjöllum við soldið saman, njótum veitinga og höfum það notalegt
Allir velkomnir.
Með kveðju frá Ormstungu.
Babúska komin út
Í dag kom út nýja bókin hennar Hallveigar Thorlacius, Babúska
Við fögnum útgáfunni í Gunnarshúsi mánudaginn 3. júlí kl. 17:30. Hallveig segir okkur frá tildrögum að þessari fyrstu skáldsögu sem hún skrifar fyrir fullorðna lesendur.
Sigrún Valbergsdóttir leikstjóri og leiðsögumaður les valda kafla úr bókinni og Sigríður Thorlacius syngur sól í hjörtu viðstaddra.
Allir velkomnir meðan húsrúm leyfir.
Um söguna:
Ung stúlka verður fyrir bíl fyrir framan Þjóðleikhúsið og lætur lífið. Ökumaðurinn flýr af vettvangi. Eina vitnið að þessum atburði er Svetlana, rússneskur bókmenntafræðingur sem vinnur við þrif í opinberum byggingum. Hún hringir í neyðarnúmerið en hjólar burt. Lögreglukonan Fanney kemur á vettvang. Við rannsókn málsins ákveður hún vegna ágreinings við yfirmann sinn að snúa sér að öðru máli sem komið er upp á bernskuslóðum hennar í Urriðavík. Kona hefur fundist myrt úti í fjárhúsi og fleiri morð fylgja í kjölfarið. Böndin berast að Birtu sem hengdi sig úti í fjósi fyrir hundrað árum. Flestir hafa séð vofunni bregða fyrir og öll sveitin stendur á öndinni.
Austur í Síberíu fréttir Lena að dótturdóttir hennar hafi fundist dáin í Reykjavík. Hún sér sig knúna til að fara til Íslands. Þegar hún fréttir af innrás Rússa í Úkraínu segist hún ekki eiga neitt land. Nágranni Svetlönu, Pétur, býður henni að búa hjá sér þangað til djöfulskapnum linni.
Hvað eiga dauðsföllin í Reykjavík sameiginlegt með morðunum í Urriðavík? Lena tekur þátt í að greiða úr flækjunni.
