Efni
Jón Björnsson er hér á ferð á reiðhjólinu sínu líkt og í bókinni Á Jakobsvegi sem er því miður löngu uppseld. Nú hjólar hann frá Gdansk til Istanbúl. Til forna lá um þessar slóðir leið kaupmanna með hið dýrmæta raf frá Eystrasaltslöndum til Miðjarðarhafs. Löngu seinna var slegið upp ósýnilegu járntjaldi eftir sömu slóð.
Höfundur bregður upp ógleymanlegum myndum af ferðalaginu á sinn lipra og kímilega hátt og fléttar inn í frásögnina hvers kyns fróðleik úr sögu þeirra þjóða og landa er verða á vegi hans, Póllands, Slóvakíu, Ungverjalands, Króatíu, Serbíu, Búlgaríu og Tyrklands. Þar koma bæði rafleiðin og járntjaldið við sögu.
Fjöldi mynda er í bókinni.
