Varðinn í vestri

1.590 kr.

Höfundur: Jónas Þór
145 bls. kilja
Útgáfuár 2011

Efni

Árið 1911 lögðu Vestur-Íslendingar frændum og vinum á Íslandi lið í almennri fjársöfnun. Tilgangurinn með henni var að heiðra Jón Sigurðsson á hundrað ára fæðingarafmæli hans.

Framlagið í Vesturheimi var svo myndarlegt að afráðið var að gera afsteypu af styttunni sem Einar Jónsson hafði gert og senda vestur um haf. Minnisvarðinn prýðir nú þinghúsgarðinn í Winnipeg og er sérstakt sameiningartákn.

Vesturfarar og afkomendur þeirra í Norður-Ameríku stóðu með þessari myndarlegu söfnun að eftirtektarverðu þjóðræknisátaki sem enn lifir vestan hafs.

Jónas Þór sagnfræðingur rannsakaði tildrögin að þessu framtaki Vestur-Íslendinga og rekur sögu söfnunarinnar og hvaða áhrif hún hafði á vesturíslenskt samfélag.

Frekari upplýsingar

ISBN

978-9979-63-103-3

Hönnun og umbrot

Gísli Már Gíslason

Ljósmynd á kápu

Peter St. John

Prentun og bókband

Leturprent