Sjö goðsagnir um Lúther

2.390 kr.

Höfundur: Frederik Stjernfelt
Þýðandi: Ásmundur Stefánsson hagfræðingur

148 bls. – kilja

Útgáfudagur: 7. september 2021

 

 

Efni

Það er óumdeilanlegt að Marteinn Lúther hafði mikil áhrif með uppreisn sinni gegn hugmyndalegu einræði hins kaþólska páfadóms snemma á sextándu öld. En áhrifin voru af ýmsu tagi. Þekktar eru kröfur hans um afnám aflátssölunnar og rétt presta til að ganga í hjónaband.

En skoðanir Lúthers á mörgum öðrum málum eru almenningi lítt kunnar. Nefna má viðhorf hans til kvenna en að hans mati voru konur óhæfar til að taka þátt í umræðum um samfélagsmál. Hann var líka þess fullviss að frómt líferni og góðverk gætu ekki frelsað fólk undan ógnum helvítis. Tjáningarfrelsi var líka varhugavert, einkum ef menn voru bendlaðir við vantrú. Þá taldi hann djöfulinn alls staðar nálægan og alltumlykjandi.

Lúther eru líka eignuð margvísleg framfaraspor, sum með rökum sem ekki standast nánari skoðun.

Í þessari bók er hulunni lyft af Lúther.

Höfundur bókarinnar, danski fræðimaðurinn Frederik Stjernfelt, hefur látið til sín taka í heimalandi sínu á sviði táknfræði, hugmyndasögu og vísindafræði.

Ásmundur Stefánsson þýðir bókina og segir m.a. í eftirmála: „Þótt bókin sé dönsk fellur hún ekki síður að íslenskum veruleika. Rétt eins og í Danmörku er lítið fjallað um Lúther hér heima og sé það gert, er tillitssemi og kurteisi höfð í hávegum. Hér eins og þar er áberandi að viðhorf nútímans eru heimfærð á Lúther og honum eignuð sú víðsýni og það umburðarlyndi sem er ráðandi í samfélaginu í dag. Að mestu gerist þetta með þögninni.“

Frekari upplýsingar

Þyngd 0.175 kg
ISBN

978-9979-63-140-8

Kápuhönnun

Gísli Már Gíslason

Hönnun og umbrot

Gísli Már Gíslason

Mynd framan á kápu

Hluti af málmristumynd (mezzotinte) sem John Sartain gerði árið 1835 eftir málverki Hans Holbein yngri af Marteini Lúther.