Hinn 10. febrúar spjallaði Hákon J. Behrens við Jóhannes Ólafsson í þættinum Bara bækur á Rás 1.
Smellið á myndina til að lesa meira.
Áhugaverð umfjöllun um Davíð Wunderbar
Author: GMG
Áramótakveðja
BILUÐ ÁST: Sigurjón les upp úr bókinni
Ágúst og Ingmar
Við getum ekki stillt okkur um að birta þessa mynd sem sýnir höfund bókarinnar Maður í eigin bíómynd segja frá Ingmar Bergman í Veröld – Húsi Vigdísar í gær .
Ágúst heldur fyrirlestur um Ingmar Bergman
Ágúst Guðmundsson heldur fyrirlestur um Ingmar Bergman og skáldsögu sína MAÐUR Í EIGIN BÍÓMYND í Auðarsal í Veröld – Húsi Vigdísar þriðjudaginn 28. nóvember kl. 16:00.
Allir velkomnir. Aðgangur ókeypis.
Spjallað um Mann í eigin bíómynd
Jóhannes Ólafsson ræðir við Ágúst Guðmundsson um bók hans um Ingmar Bergmann í útvarpsþættinum Bara bækur á Rás 1.
Fjórar frábærar
Davíð Wunderbar í Gunnarshúsi
Við fögnum útkomu bókar Hákonar J. Behrens í Gunnarshúsi mánudaginn 13. nóvember 2023 kl. 19:00.
Höfundur segir okkur undan og ofan frá tilurð bókarinnar og les upp kafla.
Léttar veitingar og spjall. – Allir velkomnir.
BILUÐ ÁST – Útgáfuhóf
BILUÐ ÁST heitir splunkuný skádsaga Sigurjóns Magnússonar, hispurslaus frásögn af harkalegu hlutskipti manns sem ástin lék grátt.
Við fögnum útgáfu bókarinnar þriðjudaginn 31. október klukkan 17:30, höfum það notalegt í Gunnarshúsi, hlustum á höfundinn lesa upp, spjöllum saman og njótum léttra veitinga.
Og bókin fæst á góðum kjörum.
– Allir velkomnir.
Leikstjóri skrifar bók
Ágúst Guðmundsson kvikmyndaleikstjóri sendir frá sér fyrstu skáldsögu sína í næstu viku. Sagan heitir MAÐUR Í EIGIN BÍÓMYND og segir frá Ingmar Bergman, kollega Ágústs, og stormasömu hjónabandi hans.
Við fögnum útgáfu bókarinnar í Bíó Paradís miðvikudaginn 18. október 2023 klukkan 17:30.
– Allir velkomnir.
Babúska í Gunnarshúsi
Myndir úr útgáfuhófi 3. júlí 2023
Við fögnuðum útgáfu Babúsku eftir Hallveigu Thorlacius í Gunnarshúsi mánudaginn 3. júlí kl. 2023. Hallveig sagði okkur frá tildrögum að þessari fyrstu skáldsögu sem hún skrifar fyrir fullorðna lesendur.
Sigrún Valbergsdóttir leikstjóri og leiðsögumaður las valda kafla úr bókinni og Sigríður Thorlacius söng sól í hjörtu viðstaddra. við undirleik Hákonar Leifssonar.
Gunnarshús var troðfullt og allir skemmtu sér konunglega. Meðfylgjandi ljósmyndir tók Elín Laxdal.
Babúska komin út!
Í dag kom út nýja bókin hennar Hallveigar Thorlacius, Babúska
Við fögnum útgáfunni í Gunnarshúsi mánudaginn 3. júlí kl. 17:30. Hallveig segir okkur frá tildrögum að þessari fyrstu skáldsögu sem hún skrifar fyrir fullorðna lesendur.
Sigrún Valbergsdóttir leikstjóri og leiðsögumaður les valda kafla úr bókinni og Sigríður Thorlacius syngur sól í hjörtu viðstaddra.
Allir velkomnir meðan húsrúm leyfir.
Um söguna:
Ung stúlka verður fyrir bíl fyrir framan Þjóðleikhúsið og lætur lífið. Ökumaðurinn flýr af vettvangi. Eina vitnið að þessum atburði er Svetlana, rússneskur bókmenntafræðingur sem vinnur við þrif í opinberum byggingum. Hún hringir í neyðarnúmerið en hjólar burt. Lögreglukonan Fanney kemur á vettvang. Við rannsókn málsins ákveður hún vegna ágreinings við yfirmann sinn að snúa sér að öðru máli sem komið er upp á bernskuslóðum hennar í Urriðavík. Kona hefur fundist myrt úti í fjárhúsi og fleiri morð fylgja í kjölfarið. Böndin berast að Birtu sem hengdi sig úti í fjósi fyrir hundrað árum. Flestir hafa séð vofunni bregða fyrir og öll sveitin stendur á öndinni.
Austur í Síberíu fréttir Lena að dótturdóttir hennar hafi fundist dáin í Reykjavík. Hún sér sig knúna til að fara til Íslands. Þegar hún fréttir af innrás Rússa í Úkraínu segist hún ekki eiga neitt land. Nágranni Svetlönu, Pétur, býður henni að búa hjá sér þangað til djöfulskapnum linni.
Hvað eiga dauðsföllin í Reykjavík sameiginlegt með morðunum í Urriðavík? Lena tekur þátt í að greiða úr flækjunni.
